नेपाली ग्ल्यामर फिल्डको एक चिर्चित नाम हो सिम्पल खनाल । चलचित्र 'माझीदाइ’ मा अभिनय गरेर ग्ल्यामर क्षेत्रमा प्रवेश गरेकी सिम्पलले दुई  दर्जनभन्दा बढी म्युजिक भिडियोमा अभिनय गरिसकेकी छिन् । त्यति नै टेलिश्रृंखलामा समेत अभिनय गरेर उनले सानो पर्दाका दर्शकमाझ छुट्टै पहिचान बनाइसकेकी छिन्।

केहि बर्ष अघि  नेपाल टेलिभिजनबाट प्रसारित मनोरञ्जनात्मक कार्यक्रम हिट मिक्स सञ्चालन गरेकी सिम्पलले कान्तिपुर टेलिभिजनको चर्चित कार्यक्रम 'भविष्य दर्पण'को प्रस्तोता रहेर झनै चर्चा कमाएकी थिईन ।  सिम्पलले दर्जनौं  टेलिभिजन तथा प्रिन्ट विज्ञापनमा समेत आफ्नो छाप छाड्न सफल भएकी  छिन्। उनी हेर्दा जति सुन्दर देखिन्छिन्, त्यति नै साधारण पनि छिन्।